Ptosis آنکھ کا پورا نہ کھل سکنا: وجوہات اور علاج

Ptosis کِسے کہتے ہیں؟

یہ وہ کیفیت ہے جس میں دیکھنے میں آنکھوں کا سائز ایک جیسا نظر نہیں آتا۔ عام طور پر ایک آنکھ  دوسری کے مقابلے میں چھوٹی نظر آتی ہے۔ بعض اوقات دونوں آ نکھیں ہی چھوٹی نظر آتی ہیں۔ یہ بیماری بہت عام ہے۔ بالعموم بچوں میں یہ چیز موجود ہوتی ہے بہت سی پریشانی کا باعث بنتی ہے۔ اکثر اوقات والدین اِس بات پر پریشان ہوتے ہیں کہ کہیں آنکھ چھوٹی تو نہیں رہ گئی۔ پھر دوسری پریشانی یہ ہوتی ہے کہ کیا اِس کا بچے کی نظر پر تو اثر نہیں پڑے گا۔ ذیل کی کُچھ تصویریں اِس کیفیت کو ظاہر کر رہی ہیں: 

اِس میں بنیادی نقص کیا ہوتا ہے؟

اصل میں آنکھ چھوٹی نہیں ہوتی بلکہ ایک آنکھ پوری طرح کھُلتی نہیں ہے جس کے باعث وہ چھوٹی نظر آتی ہے۔ پپوٹے کو اوپر نیچے کرنے اور آنکھ کو کھولنے کا کام ایک عضلہ کرتا ہے جسے لیویٹرمسل  Levator muscle کہتے ہیں۔ اگر اِس عضلے میں کوئی نقص پڑ جائے تو وہ آنکھ پوری طرح کھول نہیں سکتا جس سے آنکھ چھوٹی نظر آتی ہے۔ یہ عضلہ کہاں ہوتا ہے؟ ذیل کی تصویروں میں دیکھا جا سکتا ہے: 

سُرخ تیر مسل کی طرف اشارہ کررہے ہیں

اس عضلہ کے خراب ہونے کا سبب کیا ہوتا ہے؟

  • سب سے اہم وجہ تو یہ ہوتی ہے کہ پپوٹوں کے اِس پٹھے کی پیدائشی طور پر ساخت ہی ناقص ہوتی ہے۔ کئی میں بنتا تو صحیح ہے لیکن بعد میں اِس کی نشوونما ناقص رہ جاتی ہے۔ یعنی یہ عضلہ یا تو بنتا ہی کمزور ہے یا پھر اِس کی گروتھ نارمل نہیں ہوتی۔

  • کئی لوگوں میں چوٹ لگنے سے یہ پٹھہ ابنارمل ہو جاتا ہے۔

  • بعض لوگوں میں اِس عضلہ کو کنٹرول کرنے والی عصب بیمار ہو جاتی ہے جس سے ایک قسم کا فالج ہو جاتا ہے جس کے نتیجے میں عضلہ کمزور ہو جاتا ہے اور اپنا کام نہیں کر پاتا۔

  • کئی لوگوں کے پپوٹے کے اندر گِلٹی بن جاتی ہے جو اِس عضلہ کی کارکردگی کو متأثر کر دیتی ہے۔

کیا یہ تکلیف لا علاج ہوتی ہے؟ کیا اپریشن کے علاوہ بھی کوئی علاج ہوتا ہے؟

اہم ترین چیز تو یہ ہے کہ عضلہ کی کمزوری کا سبب تلا ش کیا جائے اور اگر اُس کو دور کرنا ممکن ہو تو اُس کو دور کیا جائے۔ بہت سارے مریضوں میں کو شش کرنے سے کوئی نہ کوئی قابلِ علا ج وجہ مل جاتی ہے لیکن زیادہ تر مریضوں میں یا تو وجہ مل ہی نہیں پاتی اور اگر مل جائے تو وہ سبب قابلِ علاج نہیں ہوتا۔ اِس لئے اکثریت کا علاج صرف عضلے کی مرمت ہی سے کیا جاتا ہے۔ عضلے کی مرمت اپریشن کے ذریعے کی جاتی ہے۔ اپریشن کر کے جو کمزور پٹھے کا کُچھ حصہ کاٹ دیا جاتا ہے جِس سے آنکھ بہتر طریقے سے کھُلنا شروع ہو جا تی ہے اور پپوٹا اوپر کی پوزیشن پر رہنا شروع کر دیتا ہے۔

زیادہ تر وُہی اپریشن کیا جاتا ہے جس کی تفاصیل نیچے دکھائی گئی ہیں۔ تاہم بعض دیگر قسم کے اپریشن بھی کئی مریضوں کے علاج کیلئے کئے جاتے ہیں۔  

Ptosis اپریشن کے مختلف مراحل

اگرآپ پپوٹوں کے گرنے اور آنکھیں پوری نہ کھل سکنے کی تکلیف سے متعلق مزید کوئی سوال پوچھنا چاہتے ہوں تو اُس کو کمنٹ کے خانے میں لکھ کر پوسٹ کر دیں انشاءاللہ انہی صفحات میں جواب دینے کی کوشش کی جائے گی۔ اسی طرح اپنی رائے، تبصرہ یا تجویز کو بھی کمنٹ میں لکھ کر پوسٹ کردیں میں بہت ممنون اور مشکور ہوں گا۔

15 thoughts on “Ptosis آنکھ کا پورا نہ کھل سکنا: وجوہات اور علاج”

  1. میری آنکھ کا پپوٹا گرا ہوا ہے. آنکھ پوری نهیں کھلتی اور ایک سائیڈ پر گھوم بھی جاتی ہے. یہ مسئلہ 6 ماہ کی عمر سے ہے، اب میری عمر 46 سال ہے. کیا اس کا کوئی علاج ممکن ہے؟

  2. محترم ڈاکٹر صاحب السلام علیکم میری عمر 51 سال ہے۔ میں Hypothyroidism اور Tinnitis کی بیماریوں میں پچھلے 12 سال سے مبتلا ہوں۔ اب وقت کے ساتھ میں پڑھنے میں مشکل محسوس کرنے لگی ہوں۔ زیادہ سے زیادہ آدھے گھنٹے کے بعد آنکھیں بند ہونے لگتی ہیں بہت زیادہ تھکاوٹ محسوس ہونے لگتی ہے۔ میں نے اپنی بیماریوں سے متعلقہ کئی ڈاکٹرز سے معائنہ کروایا ہے لیکن کسی سے بھی میرا مسئلہ حل نہیں ہو سکا۔ MRI بھی کروایا ہے وہ بھی بالکل نارمل ہے۔ اب ڈاکٹر کہہ رہے ہیں کہ Hypothyroidism کا آنکھوں پر اثر پڑ رہا ہے اُس کی وجہ سے یہ تکلیفیں ہو رہی ہیں۔ مجھے نہیں پتہ چل سکا کہ مسئلہ کی بنیاد کیا ہے لیکن اس کی وجہ سے میری زندگی بہت ڈسٹرب ہو گئی ہے۔ کیا آپ اس سلسلے میں میری کوئی مدد کر سکتے ہیں؟

    1. وعلیکم السلام آپ کا مسئلہ یقیناً پریشان کُن ہے۔ اِس کی مختلف وجوہات ممکن ہو سکتی ہیں تاہم سب سے پہلے تو آپ کو آنکھوں کا معائنہ کروانا چاہئے۔ ہو سکتا ہے صرف عینک لگانے یا صرف عینک کا نمبر بدلنے سے ہی آپ کی تکلیف ٹھیک ہو جائے یا بہت کم ہو جائے۔ اگر Hypothyroidism بھی آنکھوں کو متاثر کر رہا ہو تو یہ بھی کوئی لاعلاج مسئلہ نہیں ہے۔

      1. wallikmussalm i am already taking hypothyroidism and tinnitus medication regularly and re-evaluating them through their tests. they are within normal range.
        i also have got tests of my eyesight, it is also not changed,now i am waundering; who can help me in this regard.

        1. It’s better to consult with some family physician (GP) not with any specialist. He will evaluate you as a complete human being (he will concentrate on you as a whole). Special concentrates on his field-related diseases.

  3. سر میری بائیں آنکھ میں Ptosis کا مسئلہ ہے جس کے علاج کیلئے ایک اپریشن ہو چکا ہے جس کا کوئی فائدہ نہیں ہوا۔ نظر بھی متاثر ہو گئی ہے۔ میری عمر 30 سال ہے۔ میں کراچی سے ہوں مجھے بتائیں مجھے اس کے علاج کیلئے کیا کرنا چاہئے؟

  4. I have ptosis in left eye I 1 operation done in 2001 but zero result what I m doing now Also vision effected in this eye help me

      1. سر پلاسٹک سرجری اپریشن کیا گیا تھا۔ اُس ہی آنکھ میں اب نظر کم ہے عینک کا نمبر -1 ہے۔ دوسری آنکھ میں نظر ٹھیک ہے۔ میری عمر اب 30 سال ہے۔ میں کراچی میں ہوں۔ کیا آپ کراچی میں کہیں بیٹھتے ہیں؟ یا مشورہ دیں یہاں میں کس کو چیک کرواؤں؟

        1. بیٹا جواب میں تاخیر پر معذرت خواہ ہوں. اس کا علاج دوسرے طریقے سے اپریشن ہے جسے sling operation کہتے ہیں. جہاں تک نظر کمزور ہونے کا تعلق ہے اس کا سبب شاید یہ نہیں ہے خصوصاً اگر سلنڈر نمبر نہیں ہے تو!

  5. سلام مجھے اِس پریشانی کا سامنا ہے کہ دائیں آنکھ کا پپوٹا پوری طرح کھلتا نہیں ہے یہ کیفیت زیادہ تر اُس وقت ہوتی ہے جب ہلکی نیند آئی ہوئی ہو یا پھر جاگنے کے وقت ایسے محسوس ہوتا ہے. اس کی وجوہات اور علاج سے متعلق رہنمائی فرما دیں.

  6. My wife also has problem of Ptosis.
    1st operation has been completed as you mentioned, but not feeling better. Almost same condition. I am worrried, what should I do? I want to meet you and consult in this respect. where and when can I take your consultation?
    Best Regards
    Abdul Qayyum Siddiqui

اگر کوئی سوال آپ پوچھنا چاہیں تو یہاں لکھ کر پوسٹ کر دیں۔ اپنی رائےیا تجویز سے مجھے آگاہ فرمانا چاہیں تو یہاں لکھ کر پوسٹ کر دیں میں انشاءاللہ جلد از جلد آپ سے رابطہ کروں گا۔