بڑا خوبصورت فارمولہ

استاد صاحب نے کلاس میں داخل ہوتے ہی بلیک بورڈ پر ایک لمبی لکیر کھینچ دی اور کہا تم میں سے کون ہے جو اس لکیر کو ہاتھ لگائے بغیر اسے چھوٹا کر دے، ساری کلاس سوچ میں پڑ گئی کیونکہ استاد نے ایک ناممکن بات کہہ دی تھی ، سب نے کہا کہ یہ ناممکن ہے، لکیر کو چھوٹا کرنے کے لیے اسے مٹانا پڑے گا جو ہاتھ لگاۓ بغیر ممکن نہیں ہو سکتا ،

استاد صاحب نے گہری نظروں سے طلباء کی طرف دیکھا اور کچھ کہے بغیر بلیک بورڈ پر اس لکیر کے نیچے ایک لمبی لکیر کھینچ دی، جس کے بعد سب نے دیکھ لیا کہ اب پہلے والی لکیر چھوٹی نظر آ رہی ہے ، استاد نے اس لکیر ہاتھ لگائے بغیر اسے چھوٹا کر دیا ،

طالب علموں نے آج اپنی زندگی کا سب سے بڑا سبق سیکھا تھا ، دوسروں کو نقصان پہنچائے بغیر، دوسروں پر تنقید کیے بغیر ، ان کو بدنام کیے بغیر ، ان سے حسد کیے بغیر ان سے آگے بڑھ جانے کا ہنر انہوں نے چند منٹ میں سیکھ لیا تھا کہ اپنے آپ کو اخلاق میں ، کردار میں اور عمل سے دوسرے سے آگے بڑھا لو تم خودبخود دوسروں سے بڑے نظر آنے لگ جاؤ گے،،

اگر کوئی سوال آپ پوچھنا چاہیں تو یہاں لکھ کر پوسٹ کر دیں۔ اپنی رائےیا تجویز سے مجھے آگاہ فرمانا چاہیں تو یہاں لکھ کر پوسٹ کر دیں میں انشاءاللہ جلد از جلد آپ سے رابطہ کروں گا۔

This site uses Akismet to reduce spam. Learn how your comment data is processed.